Бердібеков Ғаламат 1992 жылдың 3 қаңтарында дүниеге келген. Біздің мектебімізде 1-сыныптан бері оқып келеді. Жастайынан ақылды, зерек, оқуға құштар оқушы ретінде танылған. Көптеген олимпиадаларға қатысып, жүлделі орындарға ие болған. Біз Ғаламаттың жетістіктері туралы газетіміздің өткен санында жазған
болатынбыз. Ол жақында желтоқсан айының 12- жұлдызында Астанада өткен президенттік олимпиадаға қатысып қайтты. Осы туралы Ғаламаттан сұхбат алған болатынбыз.
- Ғаламат, жақында сенің Астанаға барып қайтқаныңды бүкіл мектеп біледі. Қалай барып қайттың ? Астана қалай екен?
- Астанаға жақсы барып қайттым. Қала өте әдемі, бірақ суық екен.
- Олимпиада қалай, қиын болды ма?
-Ия! Мектептікінен қиынырақ болды.
- Бұл сайысқа қатысу үшін қандай кезең-
дерден өттің?
- Үш кезеңнен өттім, біріншісі 2008 жылдың қараша айында облыстық олимпиада да ІІ орын алып , келесі кезеңде 23 балл жинадым.Ал үшінші кезеңде шығарма жазып, Астанаға жолдама алдым. Республика бойынша үздік 12 оқушының қатарына ендім.
- Осы қаңтар айында өткен қалалық пәндер олимпиадасында да жүлделі орын иеленді деп естідік?
- Қатысып бірінші орын алдым.
- Облыстық олимпиадада алатын биіктерің қандай болмақ?
- Уақыт көрсетеді деп ойлаймын.
- ҰБТ тапсыруға дайындығың қалай? Қандай пән таңдадың ?
- Бесінші пәнім – физика. Таңдаған мамандығым- инженер.125 баллдың әзірге 100-ін жинап жатырмын.
- Саған ең қиын пән?
- Математика.
-Мектеп бітірушілерге тілегің бар ма?
-Бәріне ұлттық бірыңғай тестті жақсы тапсырып, таңдаған мамандықтарына түсуге тілектеспін! - Уақыт бөлгеніңе рахмет. Болашақта үлкен жетістіктерге жет! |